"Café dell'Europa": Internazionalizzazioni e linguas de s'Europa po s'atóbiu de Aegee

(IlMinuto) - Casteddu, 1 de su mes''e paschixèdda - Internazionalizzazioni, linguas, formazioni e progettazioni europeas. Ant essi custus is temas de su "Café dell'Europa", s'eventu aprontau po su 2, 3, 4 de su mes''e paschixèdda in sa Facoltadi de Economia de Casteddu de s'associazioni de is istudiantis Aegee. In su cursu de is tres diris dd'at essi puru s'European Day of Languages, progetu istoricu de s'associazioni. "S'eventu - narant is organizzadoris - est  un'alternativa a is lezionis classicas, a is seminarius e a is cuferènzias, e est costruiu asuba de attividadis praticas comenti workshop, dibattidus, e finzionis de eventus europeus".