Bidighinzu: su sindigu revocat su pregoni de no podi usai s'àcua po bufai e po coxinai

(IlMinuto) – Casteddu, 23 de su mes''e paschixèdda - Su sindigu de Tàtari, Gianfranco Ganau, at revocau custu mangianu su pregoni chi ordinada de no usai s'àcua chi benit de su lagu artifiziali de su Bidighinzu po coxinai e po bufai, cumandu fattu a medas cuarteris de sa cittadi. Ddu narat cun d'una nota s'Ufíciu stampa de su Comunu. "Sa misura - si podit liggiri in su comunicau - esti stetia retirada a pustis de unu fax mandau a s'amministrazioni comunali de su responsabbili de su 'Servizio Igiene dagli Alimenti e della Nutrizione' de sa Asl". Su documentu de sa Asl, bius is risurtaus de is analis, fattas de pagu, de Abbanoa, "narat a s'amministrazioni de revocai su pregoni fattu in via cautelari po no fai dannus".