Apuntamentu con su Qzar a s'"Arena" de Sestu

(IlMinuto) - Casteddu, 16 de su mes''e paschixèdda - Apuntamentu cun su prus famosu laser game de su mundu in s'Arena Qzar de Sestu. Su gruppu Okra laser game at aprontau po sabudu a is 17.00 "unu mericeddu meda ispassiosu aundi - iscrirint is promotoris - as a podi isfidai is amigus tuus aintru de s''Arena' e puru ciaciarrai". S'iscopu de su Qzar - si podit liggiri in d'una nota - est cussu de colpiri is participantis de sa scuadra nemiga e de evitai de essi colpius o de colpiri unu cumpàngiu de scuadra".