"Ananti de sa ziminera": atóbius de lígias e presentadas de liburus in Bauladu

(IlMinuto) - Casteddu, 8 de su mes''e paschixèdda - At a sighiri finzas a su 19 de su mes''e fiàrgiu sa rassegna "Ananti de sa ziminera", un'atóbiu de lígias e de presentadas de liburus aprontada de su comunu e de sa bibblioteca de Bauladu, sa biddixedda de 736 ànimas de sa provìnzia de Aristanis. In su primu apuntamentu, su 4 de su mes''e paschixèdda, esti stetiu presentau "Figli della società" de Paolo Pisu, un'azàmimu arricu de particularis chi tenit po tema su stadu de is presonis in Sardigna. Sa rassegna at a sighiri cenàbara chi benit (18.00, Centru Congressus de San Lorenzo) cun su liburu "Mandigos e usanzias in Sardinna". Si ndd'at a discutiri cun s'atrici Costantina Frau. "Sa rassegna Ananti de sa Ziminera - si podit liggiri in d'una nota - bollit essi cussu 'tempus de is contus' e cussu momentu de unioni soziali chi torrat e tenit s'iscopu, cun sa presentazioni de liburus pubblicaus de pagu, de chistionai de cosas chi interessant in custus tempus".