Alisandru Sanna (Irs): Bruncuspina, cinc'annus de trascuradesa e abbandonu

(IlMinuto) - Casteddu, 15 de su mes''e paschixèdda - "De tres annus sa muntagna sadra de Bruncuspina est in d'unu stadu de trascuradesa, cun is istrutturas de s'jerru totalmenti abbandonadas e is impiantus po fai scii firmus, si puru is istrutturas permittant de praticai custu sport". Cuminzat cun custus fueddus sa petizioni "Per la Rinascita del Bruncuspina" pubblicada in su situ Firmiamo.it in su mes''e gennargiu de su 2008. A pustis de casi duus annus de sa diffusioni de sa petizioni, cun 1480 firmas arregortas, nudda est cambiau: e is annus de abbandonu e de trascuradesa funt diventaus cincu. Ddu dinunziat cun d'una nota pubblicada in su Social Network Facebook s'esponenti de s'Irs Alisandru Sanna. "Sa terra nostra amada, sa Sardigna - iscririt Sanna - no est scéti mari. Teneus muntagnas, teneus sa nii! Seu chistionendi de su Bruncuspina e de su Montespada (...). Logus arricus de cultura e cun d'una natura meda bella". "Un'impiantu po praticai su scii abbandonau - sighit s'esponenti de s'Irs - chi iat a podi essi unu scusorgiu po su turismu e po is amantis de sa natura". "Acanta a custas cosas - narat Sanna - est nàscia calincuna attividadi po acasagiai e fai papai sa genti (...) (senz''e, ndr) nesciuna promozioni de parti de sa Regioni Sardigna".