Alcoa serrat in Portovesmi e lassat 2milla personas senz''e traballu in d'unu territoriu devastau de sa disocupazioni

(IlMinuto) – Casteddu, 30 de su mes''e paschixèdda - Is manifestazionis in Roma e s'ocupazioni de s'istabilimentu de Portovesmi non funt serbias: cun su 2010 s'Alcoa at a firmai sa produzioni in Italia e in su Surcis-Igresienti e círca 2milla personas - tra traballantis e indottu - ant essi lissenziaius: unu sciàsciu soziali e economicu in d'unu territoriu aundi su 25 po centu de sa popolazioni at perdiu su traballu o no dd'at mai tentu. Est cantu at nau ariseru s'amministradori delegau de s'Alcoa Europa, Giuseppe Toia, in s'atóbiu chi s'est tentu in sa sedi de Confindustria de Igrèsias. Sa multinazionali de s'allumíniu no pensat ca su préziu de s'energia (30 eurus po megawatt/ora) propostu de su Guvernu siat unu préziu cumbenienti. Sa decisioni de Alcoa at essi comunicada su 7 de su mes''e gennargiu in d'una reunioni in Roma in sa sedi de su Ministeru de su "Sviluppo economico".