Alcoa: "nuis nieddas" asuba de s'istabilimentu de Portovesmi. Sa multinazionali: no ddoi funt is condizionis po sighiri sa produzioni

(IlMinuto) – Casteddu, 22 de su mes''e paschixèdda - Nonostanti s'impignu de su Guvernu po assegurai sa fornidura de energia elettrica a prézius prus bascius, su destinu de is istabilimentus de s'Alcoa in Portovesmi e Fusina parrit ancora dubbiosu. "Is nostrus penzamentus prus mannus - si podit liggiri in d'una nota fatta conòsci de sa multinazionali de s'allumíniu a sa fin''e s'atóbiu in sa sedi de su Ministeru de su "Sviluppo economico" - in custas cundizionis abarrant is próprias poita abarrat ancora una diferénzia meda manna po mori de is cundizionis necessàrias po sighiri a traballai in is duus istabilimentus". Ma su presidenti de sa Regioni, abetendi s'atóbiu definitivu de su 7 de su mes''e gennargiu, allogat s'otimismu. "Dognia arrogu chi s'aciungit a su mosàicu dimustrat sa seriedadi e sa concretesa de su Guvernu", at nau Cappellacci a pustis de sa pubblicazioni de sa lista (aundi s'agatat puru Alcoa) de is sugetus chi ant a podi pigai s'energia elettrica foras de istadu. "In custu momentu - s'abetaus de s'Alcoa cumportamentus adatus, chi indichint ca seus faendi su propriu caminu senz''e si scaresci ca est reciprocu su cunsidériu de is impignus pigaus".