Vertenza Alcoa: stop a sa cassa integrazioni. Is manganellus de sa Pulizia e de is Carabineris asuba de is traballantis in corteu
(IlMinuto) – Casteddu, 27 de su mes''e totussantus - Sa lota de is traballantis e su movimentu de totu sa provinzia ant donau is primus resultaus. Ariseru, a sa fini de s'atóbiu durau prus de ses oras a su Ministeru de su " Sviluppo economico" in Roma, s'Alcoa at pigau sa decisioni de arritirai is procedimentus de cassa integrazioni po su 9 de su mes''e paschixèdda. A dognia modu s'est serrada cun d'unu giru positvu una diri aundi si funt bivius momentus pagus bellus, cun corpus de manganellu de parti de sa Pulizia e de is Carabineris - registraus de is telecameras - asuba de is traballantis in corteu in Roma, corpus chi ant portau unu sindacalista a s'ispidali. Sa lota de is operàjus de s' Alcoa at arregortu sa solidariedadi totali tra is forzas politicas e sindacalis.
"Sinistra Critica Surcis Igresienti - si podit liggiri in d'una nota de su movimentu anticapitalista - donat totu sa solidariedadi possíbbili e un'apreziamentu meda mannu po sa lota coragiosa chi is traballantis de s'Alcoa funt faendi de medas diris contra a sa criadura de s'azienda. Una cundanna andat in veci a su cumportamentu de Pulizia e Carabineris ca ariseru ant acafau is traballantis de s'Alcoa (sa sengunda borta in pagus diris), chi ant sempiri manifestau cun paxi po difèndiri su postu de traballu".
Sa própriu cundanna est arribbada de su Prc. "No bastat - at scrittu su segretariu regionali Gianni Fresu - s'assurdidadi de su giudíziu chi pendit asuba de is prézius de s'energia, no bastat s'arrogànzia de sa propriedadi aziendali chi de oi a cras tenit sa pretesa de serrai totu a pustis de annus de agevolamentus e contributus pubblicus, depiaus finzas biri sa befa de is operàjus chi manifestant po su traballu arropaus cun violenzia squadrista de is Carabineris e de sa Pulizia. "No funt e no ant essi is manganellus a firmai is trambullus", at nau su segretariu generali de sa Cgil Sardigna Enzo Costa. "Is traballantis tenint bisongiu de arrespustas. Su ritiru de sa cassa integrazioni est unu fattu positivu, su sindacau aspettat de su Guvernu arrespustas definitivas po sa chistioni de is prézius de s'energia".
"Sinistra Critica Surcis Igresienti - si podit liggiri in d'una nota de su movimentu anticapitalista - donat totu sa solidariedadi possíbbili e un'apreziamentu meda mannu po sa lota coragiosa chi is traballantis de s'Alcoa funt faendi de medas diris contra a sa criadura de s'azienda. Una cundanna andat in veci a su cumportamentu de Pulizia e Carabineris ca ariseru ant acafau is traballantis de s'Alcoa (sa sengunda borta in pagus diris), chi ant sempiri manifestau cun paxi po difèndiri su postu de traballu".
Sa própriu cundanna est arribbada de su Prc. "No bastat - at scrittu su segretariu regionali Gianni Fresu - s'assurdidadi de su giudíziu chi pendit asuba de is prézius de s'energia, no bastat s'arrogànzia de sa propriedadi aziendali chi de oi a cras tenit sa pretesa de serrai totu a pustis de annus de agevolamentus e contributus pubblicus, depiaus finzas biri sa befa de is operàjus chi manifestant po su traballu arropaus cun violenzia squadrista de is Carabineris e de sa Pulizia. "No funt e no ant essi is manganellus a firmai is trambullus", at nau su segretariu generali de sa Cgil Sardigna Enzo Costa. "Is traballantis tenint bisongiu de arrespustas. Su ritiru de sa cassa integrazioni est unu fattu positivu, su sindacau aspettat de su Guvernu arrespustas definitivas po sa chistioni de is prézius de s'energia".
© RIPRODUZIONE RISERVATA