Vertenza Alcoa: Pcl, corpus de parti de sa pulizia "facci bera de su capitalismu"

(IlMinuto) - Casteddu, 20 de su mes''e totussantus - Portai solidariedadi a is traballantis de s'Alcoa e presentai is propostas de su partidu po sa fàbbrica e po is ateras realidadis in crisi in Italia. Cun custus iscopus cras a mangianu su "Pcl Sardegna" at a volantinai a facc''e s'intrada de s'istabilimentu de sa multinazionali de s'allumíniu in Portovesmi. "Is fattus de Roma - si podit liggiri in su volantinu - mustrant ancora una borta sa facci bera de su capitalismu aundi biveus e aundi nosu seus iscraus, usaus e fulliaus". "Sa realidadi - sighit su documentu - est ca seus guvernaus de un'ómini basciteddeddu e conchispiludu, chi bollit fai scéti is interessus de cuss''e totu  e cussus de sa própriu crica e de is próprius lechinus, comenti Cappellacci".