"Università in un mondo neoliberista", in Casteddu s'atóbiu po chistionai de su liburu de Alex Callinicos

(IlMinuto) - Casteddu, 5 de su mes''e totussantus - Cali funt is effetus de is politicas neoliberistas in s'instruzioni? Est custu su tema de su liburu "Università in un mondo neoliberista" de Alex Callinicos, chi at essi presentau custumerì a is 17.00 in s'aula magna de sa Facoltadi de Scienze Politiche de Casteddu. Po su maistu de European Studies in su King's College de Londra - tra is esponentis prus mannus de su marxismu contemporaneu - is politicas de su neoliberismu ant, partendi de su Regnu Uniu, imbrigliau is universidadis a is interessus de su capitali, in d'unu prozessu chi si sterrit in totu su territoriu 'e su mundu. Ant a chistionai de custu tema e de is conseguenzias de sa riforma de s'universidadi in Italia Gianfranco Bottazzi, maistu de Sociologia economica, e su giurista Andrea Deffenu. S'atóbiu-presentazioni est aprontau de su collettivu Entula Arrubia.