Traballu: Lsu pedint subitu sa stabilizzazioni a s'assessori nou

(IlMinuto) - Casteddu, 6 de su mes''e totussantus -  Iat at essi meda infocau s'attòngiu de Franco Manca: s'assessori nou de su "Lavoro" de sa Giunta Capellacci, finas a pagus diris fait a sa direzioni de su "Centro Studi" de s'"Unione Sarda". Custu mangianu a is 9.30 una delegazioni de is Lsu de sa Sardigna - organizzada de Cgil, Cisl e Uil - at a manifestai a facc''e sa sedi de s'Assessorau in via XXVIII febbraio, in Casteddu, po pediri subitu sa stabilizzazioni a s'esponenti nou de sa Giunta. "Funt prus de 600 - narat una nota sindacali - is Lsu a is calis a sa fini de s'annu at a scadiri su cuntrattu. Po custus traballantis no ddoi ant essi prospettivas poita s'assessorau no at ancora definiu nesciuna operazioni chi riguardat is entis pubblicus chi ddi s'ant donau traballu po varius annus. Abarrat precaria sa situazioni de su traballu de custa genti: po custu motivu Cgil, Cisl e Uil ant pediu soluzionis a sa Regioni, senz''e otèniri nesciuna resposta".