Sardinia People: fait un'annu su social network sadru

(IlMinuto) - Casteddu, 17 de su mes''e totussantus - 30 iscrittus nous, 13milla paginas bisitadas, 3milla accessus dognia diri. Funt custus is nùmerus de Sardinia People, su social network sadru creau un'annu fait - su 15 de su mes''e totussantus de su 2008 - de s'istudianti casteddaiu Marco Camboni. In su primu annu de vida su "Facebook sadru" at tentu giai 8.500 iscrittus. "Sardinia People - si podit liggiri in su comunicau - est un'ottimu mezu de comunicazioni e is sadrus ddu funt scoberrendi scéti in custus ultimus mesis. Bona parti de is iscrittus bivit fora de istadu e bidit in Sardinia People un'istrumentu po s'intendi in domu sua". Is personas chi faint bisita a su social network podint, senz''e pagai nudda, pubblicai immaginis e video, gestiri un'album musicali, oberriri dibattidus in su forum, scriri in su blog, fai conòsciri is eventus, chistionai in chat e ateru ancora.