Santu Bainju, in su weekend sa classica Sagra de su zaffaranu

(IlMinuto) – Casteddu, 11 de su mes''e totussantus - Pòniri a confrontu s'esperiènzia de is produttoris de su zaffaranu Dop de sa Sardigna cun cussa de is coltivatoris de s'oru arrúbiu de orígini spagnola: custu est s'obbiettivu de su convegnu chi s'at a depi tenni sabudu a mangianu in su Teatru comunali, in ocasioni de sa classica sagra de su zaffaranu de Santu Bainju (13-15 de su mes''e totussantus). Po s'atóbiu est previdia sa partecipazioni de su presidenti de su Consorziu de Tutela Castilla La Mancha e cussa de is funzionarius de s'Assessorau de s'"Agricoltura". In sa diri de sabudu sa genti at a podi tastai is ispecialidadis cun zaffaranu in is sesi logus de ristoru de via Roma, in sa prazza de s'istazioni bécia, in s'ex Area Melas, in prazza Marconi, in s'Area Altea e in sa prazza de is Giardinettus. Su momentu prus importanti at essi domìnigu, candu ddoi at ai una gara de maitre, chi s'at a tenni in d'unu ristoranti de sa bidda, su tema de s'isfida at essi "Lo zafferano a tavola".