Sanidadi: Marco Espa (Pd), "Chi sa politica no arruinit s'istoria d'ezzellenza de su Microcitemicu de Casteddu"

(IlMinuto) – Casteddu, 20 de su mes''e totussantus - "Primu de pensai a calisisiat pianu de fusioni tra su Microcitemicu e su Brotzu est importanti intèndiri is traballantis professionalis, is scienziaus, is malàdius, is familiaris insoru e is associazionis". Est cantu afirmat cun d'unu comunicau stampa su consilleri comunali de su "Partito Democratico" Marco Espa, aregollendi s'apellu fattu de su scienziau Antonio Cao chi "aprezetat a sa politica de no arruinai s'istoria d'ezzellenza de s'ispidali Microcitemicu de Casteddu". "No seu de acórdiu - precisat Espa - cun s'idea chi po razionalizzai si depit ponni a arriscu s'esperiénzia de cura e istudiu, ricconnota in ambitu internazionali, rappresetada de su presidiu de s'ispidali Microcitemicu de Casteddu".