Risarcimentu a is vittimas de s'"uranio impoverito": Irs, "Si bendit sa dignidadi de is sadrus"

(IlMinuto) - Casteddu, 5 de su mes''e totussantus . "Seus a facc'e sa solita forma de assistenzialismu po sa cali si bendit sa dignidadi de is sadrus. Custa forma de assistenzialismu esti stetia manipolada e consumada cun sa complicidadi de is istituzionis de su territoriu chi funt abarradas indiferentis e citias a facc''e una chistioni aici manna". Est custu su giudíziu de s'Irs, chi cun d'una nota de s'ufíciu stampa chistionat de su Decretu de su Presidenti de sa Repubblica chi donat 30 millionis de eurus po is vitimas - sordaus e civilis - de s'"uranio impoverito". "Parrit un'ispropositu- si podit liggiri in sa nota - chi a custu provvedimentu no sigat sa serrada de is basis militaris. Riconòsciri su perígulu senz''e ddu podi prevènniri e acetai una recumpensa a pustis de sa morti violat claramenti is articulus 3 e 35 de sa Carta europea de is "Diritti fondamentali dell'uomo", chi previdiri su diritu a s'integridadi fisica de sa persona e a su prevenimentu de sa saludi".