Prentzas apertas, Sèneche oberrit is molinus de s'olia po sa festa de s'ollu

(IlMinuto) - Casteddu, 26 de su mes''e totussantus - Si rinnovat s'apuntamentu cun is molinus 'e olia obertus ("Prentzas apertas") de Sèneche. Su 28 e su 29 de su mes''e totussantus sa bidda de sa provìnzia de Aristanis at a rinnovai cussa chi, de ottu annus, est una bera festa de s'ollu e puru s'opportunidadi de appreziai sa bellesa de su Montiferru. S'iniziativa s'at a oberriri sabudu a is 16.00 cun sa premiazioni de is ollus mellus e a is 19.00 (prazza Deriu) at sighiri s'atastu de s'ollu, de is bruschettas e de sa pezza de boi arrubiu arrustu, cosa bella de pappai chi at essi accumpangiada de is cantus a tenores de Sèneche. Apuntamentu de musica puru su dominigu a mangianu, cun su cuncertu de su "Coro polifonico Ars Antiqua" (11.00, Cresia de su Rosariu) chi at a portai finzas a su prangiu, fattu de cosas de papai de su territoriu. At a serrai sa duas diris su cuncertu de is Janas (19.00, prazza Deriu).