Poligonu de Quirra: Oppi, "Nezzessària osservazioni sanitaria". S'assessori de s'"Ambiente" arrespondit a s'interrogazioni de Zuncheddu

(IlMinuto) - Casteddu, 13 de su mes''e totussantus - "Est nezzessària un'anàlisi sanitaria chi siat fatta contemporaneamenti a s'azàminu de s'ambienti. Is esitus de s'anàlisi sanitaria iant essi de agiudu a is decisionis de s'azàminu de s'ambienti". Est cantu scririt s'assessori regionali de s'"Ambiente", Giorgio Oppi, arrespundendi - su 27 de su mes''e ledaminis - a un'interrogazioni intitulada  "Monitoraggio del Poligono interforze salto di Quirra a cura del Ministero della Difesa" presentada su 19 de su mes''làmpadas passau de su consilleri regionali de is Rossomori Claudia Zuncheddu. Arrespundendi a sa Zuncheddu, Oppi narat puru ca est oportunu pigai in cunsidériu su progetu de ricerca, pediu de su "Comitato gettiamo le Basi" e guidau de su professor Mauro Cristaldi, chi de annus est impegnau in is istudius chi tenint po tema sa impestadura de is territorius de su Poligonu Interforze de Quirra e de Sa Madalèna. "Est oportunu - scririt Oppi - ca su "Comitato Gettiamo le Basi" mandit sa proposta sua po unu progetu de ricerca, istabilendi is tempus e is costus a s'Assessorau".

 

Po ndi sciri de prus si podint liggiri is documentus e is articulus de s'archiviu de IlMinuto:
http://www.ilminuto.info/ricerca.php?ricerca=quirra