Karate tradizionali: a Maracalagonis sa prima "Coppa Sardegna"

(IlMinuto) – Casteddu, 9 de su mes''e totussantus - Apuntamentu de no perdi po is apassionaus de is artis marzialis. Su 21 e su 22 de su mes''e totussantus su palazzett''e su Sport de Maracalagonis at a aghilliri sa primu "Coppa Sardegna" de Karate tradizionali. Sa serada de sabudu at essi dedicada a su stage federali Shotoreigikan Csen (15.15 -16.45) e a is esàminis de gradu po is "cinture nere" (17.00 - 18.00). Su domìnigu a mangianu is atletas ant a acabai in su tatami po si confrontai in is torneus de kumite (cumbattimentu) e de kata (formas preordinadas) . Sa manifestazioni est organizzada de sa Shotokan Karatedo de Maracalagonis de su maistu Mauro Corongiu (III dan) cun s'agiudu de su Direttori tecnicu Alberto Piludu (VII dan).