Isbarazzau cun sa forza su presidiu de is precarius de su Comunu de Casteddu

(IlMinuto) – Casteddu, 11 de su mes''e totussantus - Esti stetiu isbarazzau cun sa forza su presidiu de is circa 70 precarius de su Comunu de Casteddu chi de medas cidas protestant a facc''e sa sedi de su municipiu in via Roma. Carabinieris e Pulizia funt intervennius a facc''ora de sa mesunoti de ariseru, faendi liai cun sa forza puru sa tenda montada asutta de is porticus. Cincu is traballantis ferius. Is precarius, chi - a pustis de annus e annus de traballu in is Cantieris comunalis - pedint de essi pigaus stabilmenti de s'amministrazioni comunali, no tenint nesciuna intenzioni de mollai s'ossu: in via Roma sa mobilitazioni at a torrai giai de custu merì.