Esercitazioni navali de su 15 de su mes''e làmpadas, Oppi arrespondit a Zuncheddu: in sa Basi navali de La Caletta ant intendiu arremorius

(IlMinuto) - Casteddu, 27 de su mes''e totussantus - Ita at causau, su 15 de su mes''e làmpadas de ocannu, duus arremoris mannus e una tremidura meda longa candu fiat in cursu un'esercitazioni aereu-navali in su Mar Tirreno? Est cantu iat dimandau, cun d'una interrogazioni cun arresposta iscritta a su Presidenti de sa Regioni e a s'Assessori de s'"Ambiente", su consilleri regionali de is Rossomori Claudia Zuncheddu. Su 27 de su mes''e ledaminis, a pustis de diversus mesis de s'avenimentu e de sa presentazioni de s'interrogazioni, s'assessori regionali de s'"Ambiente", Giorgio Oppi, at iscrittu: "Is personas chi traballant in sa Basi Logisticu Operativa navali de "La Caletta", su 15.06.2009, ant fattu serbíziu de istitutu in mari e ant intendiu is arremoris de s'esercitazioni". Ma, at sighiu Oppi, "no est possibbili, po mori de is limitis de cumpetènzia istituzionalis evidentis, donai arrespostas a is ateras dimandas fattas de s'On.Zuncheddu".