Casu Bellomonte: su Gip Caivano respingit s'instanzia po sa bogadura de presoni a pustis de cincu mesis de custòdia cautelari

(IlMinuto) – Casteddu, 13 de su mes''e totussantus - Cincu mesis esatus de custòdia cautelari fattus scéti in basi a intercettazionis no funt bastaus. Oi, a prus de 150 diris de s'impresonamentu de su dirigenti de A Manca pro s'Indipendentzia Bruno Bellomonte, su giugi po is indaginis preliminaris, Maurizio Caivano - firmatariu de s'ordinanzia de custòdia cautelari de su mes''e làmpadas 2009 - at respintu s'instanzia de bogadura de presoni presentada de s'abogau defensori Simonetta Crisci. "Arremacciaus - precisat Amp - ancora una borta sa nostra totali e incondizionada vicinanzia a su patriota Bruno, a sa propria estraordinaria lucididadi e coerènzia politica in custu mod''e bìviri foras de contu in is presonis italianus po is instanzias de rivendicazioni de su populu sadru". Su Comitau po su dirittu a sa territorialidadi de sa pena - istabiliu de su protocollu de intesa tra Stadu e Regioni e de sa lei 374/75 e no rispettau in su casu de Bruno Bellomonte - at convocau una conferènzia stampa po cras a mangianu in Tàtari. (N.d.r: nesciuna maraviglia po su silenziu de is garantistas de su prus forti e de is partigiànus de su prozessu brevi).