Campidanu de Mesu: mozioni de Rifondazione contra a sa privatizzazioni de s'abba "beni comunu de s'umanidadi"

(IlMinuto) - Casteddu, 25 de su mes''e totussantus - "S'abba est unu beni comunu de s'umanidadi, unu beni chi est de totus e a su cali no si podit renunziai". S'oberrit cun custus fueddus sa mozioni presentada in su Consillu provinziali de su Campidanu de Mesu de sa rappresentanti de Rifondazione comunista Simona Lobina. Sa mozioni pedit a su presidenti de su Consillu e a is presidentis de sa Camera e de su Senau de bloccai "sa privatizzazioni de s'abba" previdia de su Dl Ronchi. Segundu cantu narat s'esponenti de su Prc su decretu at a podi portai cun facilidadi a sa privatizzazioni de su Serbíziu regionali de s'abba. "Sa Regioni Sardigna - si podit liggiri in su documentu - at instituiu sa sociedadi Abbanoa spa, chi est una sociedadi pubblica sugeta a normas de diritu privau, chi oi est interamenti a cabidali pubblicu ma chi, puru po mori de su Dl Ronchi, at a podi essi provatizzada in pagu tempus.