Atóbiu nugoresu de su Consillu regionali: gruppu 'Comunisti - La Sinistra - Rossomori', parada istituzionali innútile e de isperdíziu

(IlMinuto) – Casteddu, 20 de su mes''e totussantus - "Su Gruppu 'Comunisti - La Sinistra - Rossomori' no at a pigai parti a custas 'paradas istituzionalis' chi ofendit sa dignidadi de su populu nostru e chi liant valori a is istituzionis e totu. S'atóbiu de su Consillu regionali de su 18 de su mes''e totussantus, in Nùgoro, s'est svelau unu fallimentu". Est cantu si podit liggiri in d'una nota de su gruppu chi aghillit is rappresentantis de su PdCi, de is Rossomori e de Sinistra e Libertà in Consillu regionali. "Dinunziaus - si podit liggiri in su documentu - ca s'ausenzia de su presidenti Cappellacci e de bona parti de sa Giunta de cuss'e totu, cun sa mancànzia de is sìndigus de numerosus comunus de s'Internu de s'Isola, at fattu sì ca s'atóbiu de su Consillu siat stetiu inopportunu, innútile e de isperdíziu". "Dinunziaus - precisat su comunicau - su métodu usau de s'istituzioni regionali e de is Autonomias, chi ant torrau a propòniri comenti sempri su própriu 'métodu statalista e accentradori'".