40 annus de chímica, su bilànciu de un'imbrógliu in su cunvegnu de A Manca

(IlMinuto) – Casteddu, 23 de su mes''e totussantus - "Trabagliu o disastru? Da Rovelli ad Enichem: 40 anni di colonialismo nel Nord Sardegna". Est custu su títulu de su cunvegnu aprontau de A Manca pro s'Indipendentzia po su 26 de su mes''e totussantus in Sossu (bibblioteca comunali Farina, 17.30). In s'atóbiu ant a benni analizaus is 40 annus de presénzia de s'industria chímica in sa Sardigna 'e tramuntana. Ant a benni acraraus - si podit liggiri in sa nota - "cun d'unu cuadru forrogosu is risultaus penosus de sa politica de sa chímica e de s'industria de is ùltimus decénnius. Is partidus italianus de insàras (de sa sinistra a sa destra) iant fueddau totus impari de su 'Piano di Rinascita' e iant prospettau unu futuru de modernidadi, traballu e avanzamentu po su populu sadru. A 40 annus de cussus scioberus, insàras scontroriaus scéti de is indipendentistas chi beniant acusaus de sa Dc e de su Pci de essi ribbellis e antigus, is sadrus ant cumprendiu s'ingannu".