Software senz''e meris: sàbudu in Casteddu sa diri de s'open source

(IlMinuto) - Casteddu, 21 de su mes''e ledaminis - Si rinnovat puru in su 2009 sa diri de su software liberu. Sàbudu 24 de su mes''e ledaminis in Casteddu (9.00, Facultadi de Ingegneria) su Dipartimentu de Ingegneria elettrica e elettronica e su 'Gruppo utenti linux' de sa cittadi ant a chistionai de is "segretus" de s'open source. Unu seminariu at essi dedicau a is utentis nous o a chini no at mai usau Linux. Is prus spertus ant a podi participai a is approfundamentus previdius in su scrittu tecnicu. Su fini de is organizzatoris de su "Linux day" est promoviri s'usu de su software liberu in is iscolas, in is amministrazionis pubblicas e in is impresas, aundi s'usu de is programmas open source iat a permìttiri de no depi pagai lissenzias medas dispendiosas. A is partecipantis ant essi donaus a gratis is cd cun is software liberus prus connotus.