"Pari opportunità": a fin'e annu sa mostra dedicasa a sa creatividadi de sa femina. Dimandas intru su 20 de su mes''e ledaminis

(IlMinuto) – Casteddu, 8 de su mes''e ledaminis - Avalorai "is talentus e is conoscènzias de is feminas": est custu s'obbiettivu de s'esposizioni e mostra-mercau aprontada de sa "Commissione Pari opportunità" de sa Provìnzia de Casteddu po su periudu nataliziu. S'iniziativa, chi at essi aprontada in sa Fiera Campionaria de Casteddu, at essi dedicada a is traballus e a is òperas de is feminas chi tenint assumancu 18 annus e funt residentis in sa provìnzia, no contat sa nazionalidadi. Is interessadas podint mandai sa dimanda de partecipazioni - disponìbili in su situ de sa Provinzia - intru su 20 de su mes''e ledaminis, a s'Ufficiu "Commissione Pari Opportunità" (via Giudice Guglielmo 46, 09131, Casteddu).