"L'Elisir d'amore" in su Lirico de Casteddu finzas a fin''e mesi. Sa produzioni noa de Mirabella

(IlMinuto) - Casteddu, 21 de su mes''e ledaminis - S'arti de Gaetano Donizetti torrat in Casteddu. De cras finzas a su 31 de su mes''e ledaminis at a andai in iscena in su Teatro Lirico "L'Elisir d'amore", su melodramma ironicu in duus atus. S'opera, cun sa produzioni noa curada de Michele Mirabella, at a tenni duus cast, chi s'ant a alternai in is seradas. "Elisir" at presentau s'esordiu su 12 de su mes''e maju 1832 e at tentu subitu unu successu meda mannu, cun 32 rappresentazionis de fil''e pari.