Iscola: precarius de Aristanis, "Sa nostra est sa batalla de chini tenit a distanzia merixeddus politicus e sindacalis"

(IlMinuto) - Casteddu, 19 de su mes''e ledaminis - No conoscit reposu s'attividadi de su Coordinamentu aristanesu de is precarius de s'iscola: sa partecipazioni a su isciòpiru de is Cobas de su 23 de su mes''e ledaminis (9.00, prazza Roma) at essi precedia de s'assembrea de su Coordinamentu (martis 20, 18.00, sedi Ept) e de s'obertura de su "tavolo tecnico" cun sa Provìnzia (mérculis 21, 17.00, Palazzu de sa Provìnzia). In is diris passadas calincunu rappresentanti de su Coordinamentu at participau a un'assembrea de su Pd chi chistionàt de su tema "La scuola declassata". Is precarius de s'iscola ant arregordau a s'ex Presidenti de sa Regioni Renato Soru - chi fiat presenti a s'atóbiu - ca "s'iscola est una cosa pubblica e duncas da depeus difendiri impari. Sa batalla de is precarius est sa batalla de totus cussus chi si tenint a distanzia merixeddus politicus e sindacalis, chi reclamant su dirittu a su traballu, e po primu cosa su dirittu a un'iscola laica, libera, democratica e de calidadi".