Iscola: Fresu (Prc): "No esti stetiu arrespetau s'impignu a torrai a fai s'acórdiu Baire-Gelmini"

(IlMinuto) – Casteddu, 23 de su mes''e ledaminis - "A pagu prus de unu mesi de su dibbatimentu in consillu regionali abarrant senz''e cambiamentu is cundizionis de s'acórdiu tra s'assessori Baire e su ministru Gelmini. S'iscola sadra aghillit senz''e nesciuna oposizioni is taglius impostus de s'ùltima finanziaria e ispostat 20 millionis de eurus po finanziai sa 'salva precari'. Seus atesu de s'impignu pigau de su Guvernu Cappellacci de torrai a fai s'acórdiu e de fai pesai, comenti pediant is sardistas, s'autonomia sadra". Ddu narat cun d'una nota stampa su segretariu regionali de su Prc Gianni Fresu. "Su 'Partito della Rifondazione comunista' in Sardigna - spiegat Fresu - est impignau giai de sa primu diri in is lotas de is traballantis de sa conoscènzia po un'iscola pubblica e democratica". Su Prc at a participai a sa manifestazioni bófia de is comitaus de is precarius de s'iscola de sa Sardigna chi s'est tenendi immoi in Aristanis.