Internet: in Casteddu rezza wireless comunali intru sa fin''e s'annu

(IlMinuto) – Casteddu, 20 de su mes''e ledaminis - Intru su mes''e paschixèdda Casteddu at a tenni sa rezza wireless chi at a permitti a is zitadinus e a is turistas de intrai a gratis in Internet e de essi informaus subitamenti de is serbizius donaus de s'amministrazioni comunali. Sa rezza - segundu cantu nau de s'"Ufficio stampa del Comune" - at essi fatta de tres istazionis: "via Roma-Stazione marittima", "largo Carlo Felice-Galleria comunale" e Marina Piccola-Poetto". Is traballus ant essi fattus de sa ditta Tecnit de Casteddu, bincidora de s'appaltu.