"Il mio tempo verrà", a tres'annus de s'assassiniu su contu musicali po arregordai Anna Politkovskaja

(IlMinuto) – Casteddu, 7 de su mes''e ledaminis - Su 7 de su mes''e ledaminis 2006 Anna Politkovskaja beniat boccia in s'ascensori de su palazzu de cuss''e totu - mentris furiat torrendi a domu - sa diri primu de sa pubblicazioni de unu reportage chi chistionàt de sa Cecenia. Custumerì, a tres'annus giustus giustus de distànzia de s'omizidiu, sa figura de sa giornalista russa at essi arregordada in su contu musicali "Il mio tempo verrà" (Casteddu, cripta de sa Crèsia de San Sepolcro, 20.30), po sa rassegna culturali "Teatro di guerra". Una ressegna, custa, cun medas apuntamentus dedicaus a su dramma de is cumbattimentus bius cun is ogus de is giornalistas. "Ominis e feminas - si podit liggiri in d'una nota - de dognia edadi, nazionalidadi, pensamentus politicus e religiosus, chi funt sempri de prus suttapostus a pressionis medas grais de parti de chini dirigit sa politica. Sa conseguènzia de custu est un'asuttiligamentu de is giornalistas chi cun rigori e honestadi sighint a fai su propriu traballu senza s'inchinai innantis a is ammalezzus e àncora de mancu innantis a is lusingas.