Formidale: milla volontarius "torrant in aula". 11 cursus in totu sa Sardigna

(IlMinuto) – Casteddu, 9 de su mes''e ledaminis - Funt circa milla is adesionis a Formidale, su pranu de formazioni e aggiornamentu po is volontarius de s'Isola aprontau de su "Centro servizi Sardegna Solidale". Su primu at a cumenzai cras in sa sedi de  "Centro professionale" de is Salesianus, in Ceraxius. Formidale proponit cursus de basi, cursus in partnership e cursus de formazioni d'eccellènzia. "Su pranu - si podit liggiri in d'una nota - bollit sighiri totus is organizzazionis de volontariau chi traballant in Sardigna (...) po donai a is volontarius cumpetènzias prus mannas e ispecificas". Is cursus de formazioni basi funt 11 e s'ant a tenni in 11 sedis e in dognia provìnzia sadra. In su mes''e làmpadas de su 2010, a fin'e cursu, s'at a tenni un'atóbiu regionali cun sa partecipazioni de totus is corsistas.