Dirittu a sa domu: is isfrattaus de s'Area calant in prazza cenabara in Nùgoro. "Biveus dognia diri timi timi"

(IlMinuto) - Casteddu, 21 de su mes''e ledaminis - Torrat a cumenzai sa mobilitazioni de su movimentu po su diritu a sa domu. Cenàbara a mangianu in Nùgoro is familias de is isfrattaus de s'Area (ex Iacp) - cun s'agiudu de su sindacau de basi Rdb Cub - ant a manifestai un'atera borta po zerriai sa propriu inchietudini cun su slogan "uniri is lotas po no pagai sa crisi". Su corteu at a partiri a is 9.00 de prazza Sardegna. In sa provinzia de Nùgoro funt circa 70 is familias chi arriscant de perdiri sa domu de oi a cras. "Dognia diri - si podit liggiri in sa litera oberta iscritta de is isfrattaus - biveus timi timi, cun su terrori continuu chi calincunu tochit sa janna nostra. Candu castiaus a is fillus nostrus no podeus no pensai a ita at essi de nosu e de cussus, e no podeus no intendi s'incertesa de su futuru".