Chímica: Antonio Rudas abbandonat sa segreteria generali de sa Cgil de Tàtari, "Cuss'accordu decretat sa fin''e su petrolchímicu de Pòrtu Turre"

(IlMinuto) - Casteddu, 22 de su mes''e ledaminis - At abbandonau irrevocabilmenti sa segreteria generali de sa Cgil de Tàtari. Antonio Rudas at lassau s'ingarrigu po potrestai contra a s'intesa tra s'Eni e is sindacaus cunfederalis nazionalis po su Petrolchímicu de Pòrtu Turre. Un'accordu chi, po Rudas, "decretat sa fin''e su petrolchímicu senz''e tentai nesciuna bera difesa. Immoi at essi prus claru - si podit liggiri in d'una nota - ca calincunu defensori de sa chímica s'est comportau in modu istrumentali e puru cun disonestidadi.