Campidanu de Mesu: sa provìnziatorrat a oberri is bandus po is tirocinius formativus

(IlMinuto) - Casteddu, 19 de su mes''e ledaminis - Est obertu de nou su bandu pubblicu po is tirocinius formativus e de orientamentu po giòvanus senz''e traballu chi tenint tra is 16 a is 35 annus e funt residentis in su Campidanu de Mesu. Ddu narat cun d'una nota stampa s'assessorau provinziali a is "Politiche e ai Servizi per il Lavoro" de sa Provìnzia. "Est un'iniziativa - narat s'assessori Velio Ortu - fatta cun su dinai provinziali chi est po is interventus de Politica attiva, chi tenit comenti fini cussu de creai opportunidadis de isviluppu po is giòvanus senz''e traballu chi funt residentis in su territoriu provinziali". S'iniziativa, giai sperimentada ottimamenti in sa Provìnzia, bollit donai un'arrespusta positiva a totus is dimandas fattas de is aziendas: ant essi circa 120 is tirocinius cun borsa chi ant essi attivaus in s'annu. Su bandu est po is aziendas chi ant a manifestai interessi a acasagiai tirocinantis - laureaus, diplomaus o cun d'una cualífica professionali - po unu períodu de sesi mesis. Sa Provìnzia de su Campidanu de Mesu, comenti sogettu promotori, s'at a fai carrigu de s'assicurazioni, de unu contributu de 300 eurus a su mesi e d'unu rembursu po is ispesas de viàgiu .