Tiddia (Rsu Carbosulcis): "Su modu de fai de Bruno Bellomonte est totu su contrariu de cussu de is Br"

(IlMinuto) – Casteddu, 11 de su mes''e cabudanni - "No connosciu personalmenti Bruno Bellomonte, ma, de comenti ndi chistionant medas cumpangias e medas cumpangius, pozzu nai cun zertèzia ca Bruno est ferrovieri capustazioni in Tàtari. Unu cumpangiu tra is prus connotus e prus istimaus in Sardigna po militanza sociali e sindacali antiga, est unu personaggiu pubblicu chi no tenit nudda de cuai. Bruno Bellomonte est unu militanti de su Partidu indipendentista sadru A Manca pro s’Indipendentzia. Esti stetiu candidau in is ultimas elezionis regionalis in sa lista Unitade Indipendentista; po custu su comportamentu de Bruno est totu su contrariu de cussu de is "Brigate rosse". Personalmenti torru a fai cun forza una dimanda, chi a Bruno siat riconnotu su diritu de scontai sa custodia cautelari in Sardigna". Aici scririt in d'una nota, pubblicada in su propriu blog personali, su sindacalista Rsu Carbosulcis Antonello Tiddia. Su ""Minatore rosso" esprimit totali solidariedadi a Bruno Bellomonte, militanti de A Manca pro s'Indipendentzia arrestau in su mes''e làmpadas cun s'accusa de ai pigau parti a unu tentativu po costruiri a nou is Br. Tiddia at cumenzau unu raportu epistolari cun Bellomonte, attualmenti presoneri in su carceri de Siano-Catanzaro.