In Tàtari s'afestat sa "breccia di Porta Pia" 'po difèndiri sa laicidadi de su stadu italianu'

(IlMinuto) – Casteddu, 17 de su mes''e cabudanni - Tàtari afestat s'anniversariu de sa "breccia di Porta Pia". Su 20 de su mes''e cabudanni, cun s'obiettivu de "proteggiri is diritus civilis e difèndiri sa laicidadi de su stadu italianu", citadinus e associazionis s'ant a agatai a is 18.00 in prazza Azuni po arrergodai s'avvenimentu - de su cali recurrit su 139° anniversariu - cun d'una maratona de lézidas a tema. "Su 20 de su mes''e cabudanni - si podit liggiri in d'una nota fatta conòsciri de is organizzadoris - s'artiglieria de s'Esercitu italianu iat obertu is murus de su Vaticanu in Porta Pia, e is duus battaglionis si fudint impossessaus de Roma cun s'entusiasmu de su populu, confirmau de su consensu po s'annessioni. Su Papa Pio IX si furiat declarau presoneri politicu e si furiat serrau in su Vaticanu. Furiat finìu aici su poderi politicu de sa Cresia". Aprontant sa manifestazioni s'associazioni Libertaria, su circulu Giustizia e Libertà e su circolo Uaar de Tàtari.