Su Cordinamentu precarius de Casteddu scriri a su Prefettu: "In su 2009 in Sardigna ant essi eleminadas 100 iscolas"

(IlMinuto) - Casteddu, 8 de su mes''e cabudanni -  Su Cordinamentu precarius de s'Iscola de Casteddu, chi sighit a ocupai senz''e si firmai s'Ufíciu "Scolastico Provinciale" de su Su Masu, scriri a su Prefettu. In d'una litera meda longa, is maistus chi arriscant de perdiri su traballu ponint impari is conseguènzias de is taglius a s'iscola pubblica fattus a partiri de sa "Finanziaria de su mes''e austu" de su 2008. S'annu passau, spiegant is precarius, is taglius ant portau a sa "suppressioni de 33 iscolas sadras" e ocannu est previdiu "su tagliu de ateras 100 iscolas" in s'isola, cun damnus meda grais po is comunus prus piticus e po is frazionis. Scéti in sa provìnzia de Casteddu, spiegant is maistus a su Prefettu, "po 741 pensionamentus (...) ddoi funti stetius scéti 181 traballantis chi ant pigau su ruolu". "In medas casus - precisant - no at essi possìbbili nemancu obèrriri is nuus de is iscolas elementaris e de is iscolas maternas". Po difèndiri s'ocupazioni e assigurai sa calidadi de su serbiziu pubblicu, su Cordinamentu precarius de Casteddu - chi bidi comenti protagonistas is maistus e is traballantis Ata de su Surcis e de su Campidanu de Mesu - dimandat, primu de totu, sa confirma de is traballus in s'organicu po su 2008. Sa mobilitazioni sighit custu merì a is 15.00, cun su sit in a facc'e sa sedi de su Consillu regionali organizzau de sa FLC Cgil.