Sanidadi: Costa (Cgil): "No eus acetai imposizionis de is capus mannus"

(IlMinuto) – Casteddu, 15 de su mes''e cabudanni - "Po sa sanidadi no eus acetai imposizionis de is capus mannus e decisionis fillas de is interessus chi no tenint nudda in comunu cun cussus de is cittadinus". Su segretariu regionali de sa Cgil Enzo Costa intervenit aici po su tema de sa sanidadi, ogetu oi de s'atóbiu de sa Giunta regionali. "Si funt po fai sceltas chi ant a tenni recaidas in sa calidadi de sa vida de is personas", at nau Costa. "Su puntu no est sa nomina de is commissàrius - si podit liggiri in su comunicau stampa - po is calis su sindacau bollit chi siant aplicaus is critèrius de is cumpetènzias, ma sa direzioni chi custa Giunta at a bolli sighiri in sa riforma de su settori chi esti stetia annunziada". "Preoccupat sa parti de su 'Piano regionale di sviluppo' dedicada a su settori aundi - ispiegat Elisabetta Perrier de sa segreteria regionali Cgil - risultat giai claru s'afotiamentu de su ruolu de su privau in is politicas sanitarias". "Custu percursu - sighit Perrier - minat sa centralidadi de su pubblicu comenti garanti de su funzionamentu e de sa calidadi de is serbizius, particolarmenti, de prestazionis universalis po totus is citadinus".