Massaria: suzzessu po is "Consillus comunalis obertus contra a sa crisi"

(IlMinuto) – Casteddu, 25 de su mes''e cabudanni - No est isolada sa protesta de is Comitaus de is pastoris e de is massajus, chi de màrtis manifestant asuta de is porticus de su Consillu regionali, in via Roma in Casteddu. Ariseru a merì, tra is ballas 'e fenu, ant portau sa solidariedadi de is amministrazionis is rappresentantis de medas logus de sa Sardigna - tra custus, Fonne, Samassi, Biddexidru, Santu Bainju, Pula - chi ant donau vida a is "Consillus comunalis obertus contra a sa crisi". At tentu unu forti consensu s'interventu de su consilleri provinziali de Tàtari, Gavino Sale. Su leader de s'Irs at propostu a is manifestantis de si organizzai po pediri a s'Europa una tassazioni agevolada po is produzionis agru-alimentaris de sa Sardigna.