Massaria: is comitaus manifestant a facc''e su Consillu. "Subitamenti sa declarazioni de su stadu de crisi"

(IlMinuto) – Casteddu, 23 de su mes''e cabudanni - Sa declarazioni de stadu de crisi po totu su settori agrupastorali sadru: est custa sa principali dimanda de is Comitaus de is massajus e de is pastoris de sa Sardigna, chi de ariseru a merì manifestant asuta de is porticus de via Roma, in Casteddu, a facc''e de sa sedi de su Consillu regionali. "Sa declarazioni de su stadu de crisi - ispiegat Gianni Fabbris de Altragricoltura - iat a podi donai su via a una furriadura de tendenzia manna po sa massaria sadra". Sa mobilitazioni, ispiegat su documentu fattu conòscriri de is comitaus, no s'at a firmai finzas a candu no eus a tenni sa garanzia de sa dimanda de su stadu de crisi de parti de sa Regioni". Is manifestantis pedint un'atóbiu cun su Commissàriu europeu po su "Sviluppo rurale e l'Agricoltura", Mariann Fischer Boel, in bisita in Sardigna su 24 e su 25 de su mes''e cabudanni. Is comitaus de is massajus e de is pastoris no si firmat scéti cun sa protesta. Cras is porticus de via Roma ant a aghilliri un'assembrea pubblica po chistionai de sa crisi de is aziendas de is massajus (10.00) e a is 16.00 ddoi ant essi is "consillus comunalis obertus contra a sa crisi".