Iscola: su sindigu Ganau est de sa parti de is precarius. 200 postus de traballu a arriscu in su tataresu

(IlMinuto) - Casteddu, 8 de su mes''e cabudanni - "Totali solidariedadi e massima disponibilidadi po sustèniri totus is iniziativas de protesta programmadas de immoi a su cumenzu de s'annu scolasticu nou". Est cantu sustenniu ariseru de su Sindigu de Tàtari, Gianfranco Ganau, in su cursu de un'atóbiu in Palazzo Ducale cun d'una delegazioni de maistus precarius. In totu s'isola no si firmat sa rivolta de is 2.500 maistus sadrus penalizzaus de is taglius fattus a s'iscola de su Ministru Gelmini. Scèti in sa provìnzia de Tàtari funt a arriscu 200 maistus. "Pedeus s'agiudu de is Entis de su territoriu - at spiegau sa delegazioni a facc'e su primu cittadinu de Tàtari - poita chi sa specificidadi de sa Sardigna bengat tutelada e difendia.