Iscola: primu diri de iscola de protesta in Casteddu, Aristanis e Tàtari. Baire difendit s'accordu

(IlMinuto) – Casteddu, 16 de su mes''e cabudanni - At essi callenti sa primu diri de iscola in Sardigna. Is cordinamentus de is precarius de s'iscola ant convocau po cras a mangianu manifestazionis in totu s'isola contra a is taglius a s'iscola pubblica e in opposizioni a s'accordu Baire-Gelmini. In Casteddu, is manifestantis s'ant agatai a is 11.00 in viale Trento, a facc'e sa sedi de sa Giunta regionali. A sa manifestazioni, convocada de sa Flc Cgil, at aderiu su Prc. In su capoluogu turritanu, is maistus, is ausiliarius, is ténnicus e is amministrativus precarius ant a manifestai primu in prazza d'Italia (9.30) e a pustis in is Giardinettus pubblicius (11.00). Is precarius de sa provìnzia de Aristanis si funt  donaus apuntamentu a is 10.00 a facc'e sa sedi de s'Ufíciu "scolastico provinciale", cun s'intenzioni de protestai a oltranza, s'assessori regionali sighit a difèndiri s'accordu fattu a sa fin'e su mes''e argiolas.
"Esti stetia oberta una vertenza cun su "Ministero dell'Istruzione" - spiegat Baire - e est in custu cuntestu chi si collocat s'accordu fattu cun su Guvernu chi previdit s'impiegu de is precarius po progetus contra a sa 'dispersione scolastica'".