Iscola: Loddo (Flc): "Sa lota cumenzat a fai effettu"

(IlMinuto) - Casteddu, 21 de su mes''e cabudanni - "Sa lota cumenzat a fai effettu! Is iniziativas importantis chi sa Flc Cgil de sa Sardigna at promòviu in custu mesi impari a is precarius de s'iscola cumenzant a donai risurtaus". Ddu narat cun d'unu comunicau stampa su segretariu de sa Flc Cgil de sa Sardigna Peppino Loddo. "De s'atóbiu cun sa 'Commissione Cultura' de su Consillu regionali e de sa suzzessivu atóbiu de su Consillu - spiegat Loddo - arribbat  s'indicazioni de sa nezzessidadi de torrai a biri s'accordu Baire-Gelmini". "No eus azzettai - precisat su segretariu de sa Flc Cgil - 'rimodulazionis' chi lassint is cosas aicci comenti funt. S'istrada de is accordus Stadu-Regioni depit tenni sustanzia in s'ambitu de una vertenza concreta cun su Stadu, po realizzai unu sistema iscolasticu formativu sadru capazzi de garantiri unu dirittu reali a s'instruzioni po is fillus de su populu sadru".