Iscola: 500 precarius a facc'è de sa Giunta regionali. Contra a is taglius puru is istudiantis casteddaius
(IlMinuto) – Casteddu, 17 de su mes''e cabudanni - "In is annus chi ant a benni in Sardigna ant essi serradas 300 iscolas". Custa frasi, pronunziada de su sindacalista de sa Flc Cgil Peppino Loddo, est su significau de s'ennesima manifestazioni de is precarius de s'iscola, chi custu mangianu si funt agataus in 500 a facc''e sa sedi de sa Regioni in viale Trento tra is banderas de sa Cgil e de is Cobas. Manna puru sa delegazioni de su Prc. A is maistus, a is ausiliarius, a is tennicus e a is amministrativus precarius de s'iscola s'est uniu su movimentu de is istudiantis casteddaius, chi intendit ponni in internet is varius istitutus cittadinus po "costruiri una piattaforma de lota e de opposizioni" inturu atòngiu. Po totus is manifestantis sa difesa de is postus de traballu de is precarius - in Sardigna s'arriscant 2500 postus - est sa salvaguardia de s'iscola pubblica.
Tra is organizzadoris de sa protesta est condividiu su refudu de is contrattus de "disponibilidadi" ideaus de su Ministro Gelmini. "Est a nai is "contratti di disponibilità" - si podit liggiri in d'una nota passada de su "Comitato insegnanti precari" - no risolvint sa chistioni de s'instruzioni in Italia, ma funt unu rimediu chi agiudat, scèti po is prossimus 8 o 12 mesis, su parziali mantenimentu de su redditu de calincunu precariu, ma no si donat garanzias po sa chistioni de su traballu nonostanti annus meda de precarizzazioni".
"No poneis s'iscola in genugu -at zerriau a su megafonu Mariella Setzu de is Cobas - no teneus bisongiu de cuntrattus de disponibilidadi, ma de rispostas a is bisongius berus". S'atóbiu cun sa Giunta regionali - chi is sindacaus iant pediu po oi - s'at a tenni probabilmenti in is primus diris de sa cida chi benit. "S'acodriu Baire- Gelmini - at ispiegau Loddo abetendi s'atobiu - no andat 'torrau a biri', ma ghettau in sa carcida". Su mangianu de protesta at biu attivas puru Tàtari e Aristanis, aundi ddoi funti stetias manifestazionis comenti cussa de Casteddu.
Tra is organizzadoris de sa protesta est condividiu su refudu de is contrattus de "disponibilidadi" ideaus de su Ministro Gelmini. "Est a nai is "contratti di disponibilità" - si podit liggiri in d'una nota passada de su "Comitato insegnanti precari" - no risolvint sa chistioni de s'instruzioni in Italia, ma funt unu rimediu chi agiudat, scèti po is prossimus 8 o 12 mesis, su parziali mantenimentu de su redditu de calincunu precariu, ma no si donat garanzias po sa chistioni de su traballu nonostanti annus meda de precarizzazioni".
"No poneis s'iscola in genugu -at zerriau a su megafonu Mariella Setzu de is Cobas - no teneus bisongiu de cuntrattus de disponibilidadi, ma de rispostas a is bisongius berus". S'atóbiu cun sa Giunta regionali - chi is sindacaus iant pediu po oi - s'at a tenni probabilmenti in is primus diris de sa cida chi benit. "S'acodriu Baire- Gelmini - at ispiegau Loddo abetendi s'atobiu - no andat 'torrau a biri', ma ghettau in sa carcida". Su mangianu de protesta at biu attivas puru Tàtari e Aristanis, aundi ddoi funti stetias manifestazionis comenti cussa de Casteddu.
© RIPRODUZIONE RISERVATA