Intru su 2010 sa primu ippovia po Badd''e Salighes

(IlMinuto) - Casteddu, 9 de su mes''e cabudanni - Sa primu de is ippovias chi ant a collegai is portus e is aereoportus sadrus cun Badd''e Salighes, asuba de is montis de Bolotana, at essi fatta ìntru su 2010. Ddu narat cun d'unu comunicau stampa s'assessorau regionali  de s'"Agricoltura". Su percursu at a partiri de S'Alighera e at a passai po 13 Comunus tra sa Nurra, su Mejlogu, sa Planàrza e su Marghine. S'ippovia at essi longa 70 chilometrus e at a previdiri medas logus de reposu, aundi ddoi ant essi desk in medas línguas, logus po si ristorai e po dromiri, aundi s'ant a podi tastai is prodotus localis e aundi s'ant agatai puru aterus serbizius. Su progetu, chi previdit puru su cumprimentu de caminus ciclabilis e caminus de trekking, esti stetiu presentau ariseru in Casteddu de is assessoris regionalis de is "Enti locali e Urbanistica", de su "Turismo" e de s'"Agricoltura", custus ant definiu su caminu cun is amministrazionis de is logus interessaus.