Civitas, in Nùgoro sa Fiera regionali de sa "Cooperazione sociale"

(IlMinuto) – Casteddu, 22 de su mes''e cabudanni - Si rinnovat puru po su 2009 Civitas, sa Fiera regionali de sa "Cooperazione sociale". De su 24 a su 26 de su mes''e cabudanni in sa caserma Loy de Nùgoro, in via Sardegna, s'ant a tenni tres diris de atóbius, seminarius, workshop, stand, serbizius, teatru, musica e cinema. Sa fiera nugoresa fait parti de su giru nazionali Civitas, nasciu in Padova 13 annus fait, definiu de is organizzadoris "sa prus importanti birdiera nazionali e internazionali po s'isviluppu e po sa diffusioni de sa cultura de sa solidariedadi e de sa partecipazioni". "Civitas - si podit liggiri in d'una nota - bollit creai in su contestu regionali su confrontu prus mannu tra is pubblicas amministrazionis, sa cooperazioni soziali, su volontariau e s'associazionismu, is sindacaus, su sistema de su creditu ecc."