Cgil, Cisl e Uil: "Dùbbius e criticas po sa politica de su dinai liau de s'Inps"

(IlMinuto) – Casteddu, 22 de su mes''e cabudanni - Is segreterias territorialis de sa provìnzia de Casteddu de Cgil, Cisl e Uil narant no a sa politica de taglius annunziada de s'Inps. "In su mes''e austu - si podit liggiri in d'unu comunicau - sa Direzioni generali de s'Inps de Roma at indicau is lineas guida po una noa articolazioni territoriali de is funzionis de s'Institutu". "De meda tempus - sighit sa nota - Cgil, Cisl e Uil ant prus bortas manifestau dùbbius e criticas po sa politica de is taglius de s'Inps. Su programma de diminuzionis riguardat totu sa Sardigna: po sa bèccia provìnzia casteddaia si prevedit no scéti de no torrai a fai prus is sedis provinzialis in is provìnzias noas, ma puru de diminuiri is sedis de sa zona".