Casteddu, in su XVI convegnu nazionali de "Filosofia del Linguaggio" si chistionat puru de Facebook

(IlMinuto) – Casteddu, 10 de su mes''e cabudanni - Po tres diris Casteddu at essi sa "capitali" de is istudius de "Filosofia del Linguaggio". De oi finzas a sàbudu in sa "Cittadella dei Musei" dd'at essi s'XVI "Convegno nazionale della Società italiana di Filosofia del Linguaggio". Soziedadi fundada de Tullio De Mauro in su 1994 e de issu presidia finzas a 1997. Su coru de su convegnu at essi su tema "Forme e formalizzazioni", cun d'un'esami de su rapportu tra is tecnologias noas e sa comunicazioni. Is filosofus de sa materia ant a chistionai puru de Facebook. A su social network at essi dedicau s'interventu - de cenabara a mangianu - de Monica Pasquino de s'"Università della Calabria".