Bàini arregordat Salvador Allende in s'anniversariu de su golpe

(IlMinuto) – Casteddu, 10 de su mes''e cabudanni - Bàini arregordat Salvador Allende e su Cile. A sa vigilia de s'anniversariu de su golpe militari po mori de su cali Augusto Pinochet iat furriau su Guvernu cilenu (11 de su mes''e cabudanni 1973), sa biddixedda de sa provìnzia de Aristanis dedicat duas diris a su presidenti socialista. Custumerì - a is 17.30 in sa sala consillari de su comunu - su sindigu de Bàini, Roberto Scema, at a inaugurai sa mostra documentaria "11 settembre", fatta cun sa collaborazioni de s'Issra e de sa Biblioteca Gramsciana. A is 20.00 ddoi at essi ispaziu po sa musica: Roberto e Marco Madau ant a sonai "La Nueva Cancion Popular Chilena". "Allende, il colpo di stato e la repressione" at essi in veci su titulu de su dibattidu, coordinau de Gavino Angius, prevìdiu po cras a is 17.30. Totus is apuntamentus s'ant a tènniri in s'aula de su consillu de su comunu.